سون.
وارلیغیمیزدا بیر سیرا اولگولرین اولدوغونو، ماکرو ذرهلردن توتموش هابئلین اوزاقدان چکدییی کاینات لانقشاتلاریندا گؤره بیلیریک. بو باخیشی افسانهلرله جالاشدیرارکن، بیر سورو اوزه چیخیر: "افسانهلری اوخویان زامانهارادا دورورسونوز؟ اؤزونوزو افسانهنین بیر تیکهسی کیمین گؤرورسونوز یوخسا اوزاقدان باخیرسیز؟".
ائپاکلیپس (آخرالزمان) و آرماگئدون (خئییر و شررین سون ساواشی) باشلارکن دؤرد آتلی گلهجک دئییرلر، بیری ساواش ائلچیسی، بیری آجلیق و قوراقلیق، بیری آلیزلیق و سونونجو اؤلوم ائلچیسی.
- ساواش ائلچیسی اؤزویله سیلاح، توپ توفنگ گتیرمیهجک، اونون باجاریغی، اینسانلاری بیر-بیرینه قارشی طرف کیمی گؤستریب، بیر-بیری ایله ساواشدیرماقدیر. اینسانلار اؤزلری بیر-بیریلرینی آرادان آپارماق اوچون یئترینجه سیلاح دوزلدیبلر.
- آجلیق-قوراقلیق ائلچیسی، طبیعتی قورودمایاجاق، اینسانلارین ایچ آجلیغینی اوزه چیخارداجاق. شؤهرت، سکس، دینجلیک، قیرمیزی اَت و هر بیر هوس یا سئوگینی، حدسیز بیر آجلیغا چئویرهجک، آخیری نئجهاولاجاغی دا بللی دیر.
- آلیزلیق ائلچیسی یئنی بیر مرض گتیرمیهجک، اینسانلار یاراتدیقلاری آلیزلیقلاری بیر-بیرینه قاتاجاق، گوجلندیرهجک.
- اؤلوم ایسه گلیب اؤلولری ییغیشدیراجاق، کیمسهنی اؤلدورمیهجک.
ظنیمجه ائپاکیلیپس بوتون کایناتدان داها خیردا اؤلچولرده باش وئرهجک (باش وئریر). بیر اؤلکهده، بیر ائلده، بیر اینساندا، منده، سنده.