فیسبوک صیفه‌میزی یئرسیز پایلاشمالاردان قورویاق-۱
آرابیر دوستلارین فیسبوک صیفه‌لرینده پورنو ویدئولاردان توتموش فیشینگ لینکلرینه‌قدر پایلاشمالار گؤرونور، صیفه‌لردن سونرا مساژلارلا گلن لینک‌لر ده بیر چوخ واختلار خطرلی اولورلار. بیر چوخ دوستلار هر بیر بونلارا تای پایلاشیلان پست‌لار و گؤندریلن مساژلاری گؤردوک‌ده گؤندرنی بلاک ائدیب و قیسا بیر یوللا پروبلمی آرادان گؤتورورلر. آما بیر چوخ واختلار مساژی گؤندرن یا لینکی پایلاشان دوستوموز بونلاردان خبرسیز اولور و خبر توتانا قدر داها گئج اولموش اولور، بیر چوخ دوستلاری دا بو مسئله‌یه یولوخدورور و داها بلاک ائتمه‌ده چاره یولو اولمور.
بو پروبلمی آرادان گؤتورمک اوچون بیر نئچه یول وار، بیرینجی فیسبوکون اَپ‌لرینده یئرلشدیریلمیش وال‌اسکنر و سوسیال مدیا قورویوجولاریندان فایدالانماق‌دیر. بو اَپ‌لر فیسبوک صیفه‌نیزی ایزله‌ییر و ایسته‌دیگینیز واخت صیفه‌نیزده پایلاشیلان لینکین قایناغینی‌دا تاپا بیلر، چوخ واختلار دا قایناغی بیلگیسایارلارینیزدا ائندیریلمیش فایل‌لاردان اولور. اصلینده فبیسبوکدا اونلاری پایلاشان، بیلگیسایارا ائندیریلمیش تروجان یا ضررلی پراقرام (Malware) دیر. بیلگیسایارینیزداکی آنتی ویروس هر بیر ندنلرله همن ضررلی فایلی گؤزدن قاچیرمیش اولسا (آپ دئیت اولماماسی یا بیر روت کیت طریقی‌ایله آنتی ویروس و فایروال آلدادیلمیش اولورسا) بو اَپ‌لر اونلارین ایزینی سیزین بیلگیسایارینیزا قدر توتوب و قایناغینی آرادان آپارماق اوچون سیزه یاردیم ائده‌جک. بو اَپ‌لردن دؤردونو اؤنریرم:
Norton Safe Web
https://apps.facebook.com/nortonsafeweb
Bitdefender Safego
https://apps.facebook.com/bd-safego
Kaspersky Social Protect
https://apps.facebook.com/social-protect
ESET Social Media Scanner
https://apps.facebook.com/eset-socmedscan
یئترکی بو اَپ‌لری آرتیریب، سونرا صیفه‌نیزی بو اَپ‌لرله اسکن ائده‌سینیز، هر بیر پروبلم گؤزه گؤرونسه، اونو آرادان گؤتورمک اوچون یاردیم ائدیله‌جک. ویدئو دا داها آرتیق ایضاح وئریلیب.
