دیجیتال دفتریم

دیجیتال دونیامیزا، داها یاخین‌دان بیر باخیش

دیجیتال دفتریم

دیجیتال دونیامیزا، داها یاخین‌دان بیر باخیش

...
بیر قاریش تاپسایدیم
بایراغیلین قانلی کؤلگه‌سیندن،
چَکَردیم ائلیمین یورغونلوغونا؛
دینجَل دیَردیم.

هادی قاراچای-/لاغلار/باداملیق‌لار

سون باخیشلار
یازارلار

تئل‌سیز باغلانتی‌لاردا یئنی‌لیک؛

جمعه, ۲ مرداد ۱۳۹۴، ۰۴:۲۵ ق.ظ

اینترنت تامیناتچیلاری، آشاغی فئرکانسلی UHF کاناللاریندان فایدالانماغا دوشونورلر. هیوستونون رایس بیلیم‌یوردونون مهندیس‌لری، تلویزیون گئنل یایینلاریندا ایشلنیلن UHF کانالییلا تئل‌سیز باغلانتی ایله ایلگی قورا بیلن بیرینجی آراجی (Device) دوزلتمیشلر. 

Ricewifitv-1437143792995

۴۰۰ مگاهرتزدن ۷۰۰ مگاهرتزه قدر بیچیمه ‘Super Wi-Fi’ آدی وئریلیب، ندنی‌ده بینالارین دووارلاریندان سووشوب ایچری کئچمک و اوزاق مسافه‌ده یاییلماسی اولوب. بو بیچیمده بیلگی‌ ده گؤندرمک اولور. سوپئر گوج‌لر، گئنیش‌ زولاق‌لی اینترنتدن اوزاق قالان یئرلری بو یول‌لا اینترنته قوشا بیلرلر.

الکترونیک ساحه‌سینده پروفئسسور، بیلگی‌سایار مهندیسی و بو قونونون آراشدیریجی‌سی، ائدوارد نایتلی-یه سوال وئریلیر: تئل‌سیز باغلانتی و تلویزیون بیر-بیری ایله نئجه جالاشدیریلیر؟

رایس بیلیم‌یوردونون مهندیس‌لری بو سورونو بئله جاوالاییرلار: “آکتیو TV کاناللاریندا تئل‌سیز باغلانتی” و یا WATCH-لا. اونلار تست اوچون آمئریکا ایلگی‌لر فدرال کمیسیونونون راضیلیغینی آلا بیلیب‌لر.

WATCH پایلاشیم بیچیمی (طیفی)، گئری بسلمه (Feedback) دؤنگوشو (Loop) اساسیندا چالیشیر. بو دا کیمسه‌نین TV کانال‌لارینا باخمادیغینین آردیجیل ایزلمه‌سی دیر. بو سیستم‌ده، شخصین ائوینده و ذکالی تلویزینوندا اؤزل تئل‌سیز باغلانتی ایله گؤندریب/آلماق آراجی یئرلشدیریلملی دیر.

هله‌لیک TV یایینلایان یئرلره ایسته‌نیلن زامان بیر کانالین ایزلین‌لرینین سایی اؤنم‌سیزدیر. آراشدیرانلاردان بیری، خو ژانگ دئییر: بو کانال‌لارین TV یاییم طرفیندن اشغال اولسالار دا اینسانلارین چوخو تلویزیون ایزلمک اوچون کابل، پئیک واسیط‌لری، یا اینترنت‌دن تلویزیون ایزلمک اوچون یارارلانیرلار. او آرتیریر: TV یایینلایانلار بو بیچیمی هدره وئریرلر.

آما WATCH سیستمی اساسیندا، بیر ایزلییجی‌نین TV-سینده باخدیقلاری کاناللارین معلوماتینی جئب تلفونو کنترلو و ذکالی تلویزیون واسیطه‌سی ایله بیچیمین معلومات بازاسینا (Database) گؤندره بیلیر. بو معلومات بازاسی WATCH آلیجی‌سیندان یئنی‌لشیر و TV یایینینین ساخلانماسی و او کانال‌لا WATCH گؤندریجی‌سی طرفیندن معلومات گؤندرمک ایزینی‌نی وئریر. ایزلییجی باخدیغی کانالا گئری دؤندوک‌ده، بیچیمین معلومات بازاسینا باشقا بیر سیگنال گؤندریلیر، WATCH سیستمی یئنی‌لشیر. سونرا سیستم مجبور اولور معلومات دوزومون (Streem) باشقا بیر کانال‌دان گؤندره. سونرالار ایزلَییجینین TV-سیندن یارارلانماق اوچون، بو بیلگی‌لر ساخلانیلیر.

WATCH قونشولارین دا هانسی کانالا باخدیقلارینی ایزله‌ییر، بو اوزدن تئل‌سیز باغلانتی دوزومو TV سیگنالی ایله قاریشمیر. زی‌ یانگ دئییر: قونشو بیر کانالا باخماق ایسته‌ییرسه، WATCH تئل‌سیز باغلانتی‌لی معلومات دوزومونو باشقا قونشولارین ایزله‌مدییی کاناللارین بیرینه کؤچوره بیلیر.

بو مهندیس‌لرین حئساباتی اساسیندا اونلارین یاراددیغی سیستئم، بیر چوخ تئل‌سیز باغلانتی‌لارین ۶ قاتی قدر، TV‌-لرده اشغال اولموش و ایشلنیلمین UHF کاناللاریندان فایدالاناراق، ۲۴ مگابایت ثانیه‌ده سورعتی ایله معلومات گؤندرمک اوچون ایمکانی یارادیر.

“سیستم UHF کانالیندان داها یاخشی فایدالانماق اوچون بیر آددیم ایره‌لی آتماق ایمکانی وئریر”، نایتلی آرتیریر: بو سیستم سونرالار تئل‌سیز باغلانتی ایله، اینترنت‌دن اوزاق قالان یئرلره سرویس وئرمک اوچون ایشلنه بیلر.

تئل‌سیز باغلانتی‌لار ساحه‌سینده چالیشان کارلسون تئل‌سیز باغلانتیلار تکنولوژی‌سی کیمی فیرمالار، آز اینکیشاف ائتمیش اؤلکه‌لرده UHF کاناللاری ایله ایلگی یارادماغا دوشونورلر.

اینکیشاف ائتمک‌ده اولان اؤلکه‌لر اوچون، اینترنت باغلانتیسی، تلویزیون‌دان داها چوخ گرکن احتیاج‌لاردان دیر، بونو جئمیز کارلسون، کارلسون تئل‌سیز باغلانتی‌لی تکنولوژی فیرماسینین یارادیجی‌سی و باش ایجراچی دیرئکتورو (مدیر عامیلی) دئییب، آرتیریر‍: “خالق اوچون یاخین گلجک‌ده داها اَسکی ساییلان تکنولوژی‌لردن، قورباغا متودوندا سیچراییش گرکیر.”

کارلسون فیرماسی، TV-‌لرین آغ باندیندان فایدالاناراق، ۳G تئل‌سیز باغلانتی سرویسی‌نی، آفریقا، گونئی و گونئی-دوغو آسیانین بیر سیرا بؤلگه‌لرینده بیر ایل سونرا و  ۲۰۱۶-جی ایلده آمئریکادا یایماق اوچون پلان‌لار حاضیرلاییب.

 قایناق: http://spectrum.ieee.org  |  http://bilimsesi.com/?p=10220

نظرات  (۰)

باخیش یازیلماییب

گؤندر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">
تجدید کد امنیتی