بیت لاکئر نه دیر و اوندان نئجه فایدالاناق؟
بیت لاکئرله ایشلتیم سیستئمینین (OS) بیرلشمسی، ایتیریلن، اوغورلانان و ایستنیلمین وضعیتلرده بیلگیسایارلارین معلوماتلارینین گیزلی ساخلاماسینا یاردیم ائدیر.
ایتیریلن و یا اوغورلانان بیلگیسایارین معلوماتلاری، او بیلگیسایارین هاردینی فرقلی بیر بیلگیسایارا قوشماقلا اوخونا بیلر. بیت لاکئر، بو معلوماتلاری اوخوماق ایمکانینی آزالدیر بو معلوماتلاری ایستنیلمین حاللاردا اَلچاتماز ائدیر.
بیت لاکئر، اَن چوخ قورومانی، گووهنیلن پلاتفورم ماژولو (Trusted Platform Module) TPM ورژن ۱.۲ ایله بیرلیکده ایشلدیر. TPM، کامپیوتئر ایستئحصالچیلاری طرفیندن کامپیوتئره قوشولان یئنی بیر کامپونئنت دیر. بیت لاکئر ایله بیرلیکده چالیشاراق، معلوماتلاری قوروماغا و بیر کامپیوتئرین سیستئم فایل دییشدیریلمسینین قارشیسینی آلیر.
ماکروسافتین ۷، ۸ و ۸.۱ ویندوزوندا یئرلشدیریلمیش بیت لاکئردن فایدالانماق اوچون ایستدییینیز درایوین اوستونده ساغ کلیک ائدیب، Manage BitLocker-ی سئچین؛
یادا کنترل پنئل دن بو آدرئسه گئدیب:
ایسته دییینیز درایوین بیت کالئرینی آکتیو ائتمک اوچون اونون قارشی سیندا یازیلان Turn on BitLocker لینکینین اوستونده کلیک ائدین:
هر هانسی درایودا بیت لاکئری آکتیو ائتمک ایستهدییینیزده بو کادرآچیلاجاق و سیزه ایکی سئچیم اؤنرجک:
بیرینجی سئچنک پسووردلا و ایکینجی سئچنک Smart Card-لا ائنکرایپت-دیکرایپت (شیفرهلنمک-دئشیفره) ائتمک اوچون اؤنریلیب. بیرینجی سئچنیی سئچیب، پسوورد قایدالارینی نظرده آلیب، گوونملی بیر پسوورد ۱ یازیب سونرا کی دیالوق صیفهسینه گئدیریک.
سئچیلن پسوورددان دوزلمیش گئری آلما کدلارینی (Recovery key) بیر یئرده سخلاماق اوچون بیزه اوچ سئچنک اؤنریلیر، بیرینجیسی مایکروسافت اَکانتیندا یازیب ساخلاماق، ایکینجیسی کامپیوتئریمیز (شیفرهلنن درایودان باشقا بیر یئر)، فلش مموری، سیدی، دیویدیده، اَل تلفونونون یادداشتی و یا باشقا یئرلر و اوچونجو سئچنک ده کاغید اوسته پرینت آلماق دیر. بیرینجی سئچیم باشقالاریندان داها گوونملی نظره گلیر، بیرینجینی سئچرکن کد-اون اَکانتدا یازیلماسی باشلاییر:
و سونرا دا گؤزلییریک سئچنکلرین باشیندا بو یازینی گؤستریله:
سونراکی دیالوق صیفهسینده ایکی سئچنک وئریلیر:
بیرینجی: دیسکین اوستونده یازیلمیشلاری ائنکرایپت (شیفرهلمه) و ایکینجی درایوی بوتونلوکله ائنکرایپت ایتمه. ایکینجینی سئچیب Next کیلیدینی باسماقلا، ایستهدیییمیز درایوی بیت لاکئرله شیفرهلمک ایشینی باشلاماقدا تنظیملرین سون ایشینی گؤرموش اولوروق.
گؤستریلن بو دیالوقدا یئترکی Start encrypting کیلیدینی باساق و گؤزلیک شیفرهلمک پروسهسی سونا چاتا.
پروقرئس دیالوقوندا گؤرونن کیمی، شیفرهلمه پروسهسینی دایاندیرماق دا اولور، اؤرنک اوچون پروسسی دایاندیریب، بیلگیسایاری ریاستارت ائدیب، سونرا پروسهنین آردینی توتماق دا اولار. بورا قدر درایوی شیفرهلندیرمک قونوسوندا بیر پروسهنی گؤردوک. بیر ایکی استراتئژی و اؤرنک ده اؤنریب، گؤستریب بو یازینی بیتیریرم.
هر بیر درایوی دئشیفره ائتمک اوچون، اونون اوستونده ساغ کلیک ائدیب Unlock Drive سئچنگینی سئچیب پسووردوموزو وئریب درایوی آچا بیلهریک.
دئشیفره ائتمک اوچون آچاری باشقا بیر شیفرهلنمیش درایو دا گیزلده بیلهریک، اؤرنک اوچون E: درایوندا D: درایوینین آچارینی گیزلتمک ده اولار. بئلهکی بیر درایوین آچارینی فلشده، او بیری درایوین آچارینی دا همن درایوین ایچینده شیفرهلنمیش باشقا بیر فایلدا ساخلاماق دا اولار. اؤرنک اوچون H: درایوینین آچاری F: درایوندا دیر، F: درایوینیندا آچاری I: درایوندا یازیلیب، I: درایوی دا گوونملی بیر پسووردلا شیفرهلنیب:
I: درایوینی آچماق اوچون پسووردو یازیریق و Unlock کیلیدینی باسیب درایوی آچیریق:
سونرا D: درایوینی آچماق اوچون اونون آچارکیلیدینی I: دان اوخوددوروروق، بونون اوچون More options یازیلمیش لینک-منو اوسته کلیک ائدیب، سونرا Enter Recovery Key-ی سئچیب Load From USB Drive-دا کلیک ائدیریک:
H: درایوینی آچماق اوچون عینی یوللا F: درایوینی آچیب، اورادان H: درایوینین آچار کدلارینی یازدیغیمیز فایلدان کد-و کپی ائدیب:
H: درایوینی آچماق زامانی ایستنیلن یئرده قویوروق:
بونلار هامیسی اؤنریلر ایدی لر، هر کیمسه اؤزونه اویغون و رحات بیلدییی استراتئژینی توتا بیلر. اؤنملی اولان بودور کی بیرینجی بیت لاکئرله شیفرهلنمیش معلوماتلار باشقا بیر کامپیوتیرده آچیلیب اوخونماسین و ایکینجیسی ده بو یوللا شیفرهلنمیش دیتانین آچیب اوخوماسیندا ذره قدر ده اولسون لنگلیین اولماسین.
1: گوونملی پسوورد قایدالاری:
یازارکن ۴-۵ ثانیه زامان آپاران، گوونملی بیر پسوورد، بیر چوخلاری اوچون یا چتین و یا گرکمین بیر ایش کیمی نظرده توتولور، آما عکسینه گوونملی بیر پسوورد سئچمک متودونو اؤیرندیکدن سونرا، بو پسووردلاری یازماق اؤنجه دئدیییم کیمی ۴-۵ ثانیه ده اوسون زامان ایستهمیر (یازماق زامانی بارماقلارین یازماق سورعتینده اؤزومو اؤرنک توتموشام، عادی بیر یوزر کیمی).
گوونملی بیر پسوورد دا بیرینجی: حرفلرین تکرار اولماماسینین بؤیوک بیر رولو وار، ایکینجی: بؤیوک و خیردا حرفلر، اوچونجو: حرفلردن باشقا رقملر، دؤردونجو: اؤزل کاراکتئرلر و بئشینجی: پسووردون کاراکتئرلرینین سایی اؤنملی رول اویناییرلار. بونو بیلمیینیز یاخشی اولار سانیرام: شیفرلنمیش پسووردو آنالیز ائدیب نه اولدوغونو بیلمک اوچون بعضن بیر قلم بیر کاغید دا یئترلی اولور. پسووردو دئشیفرله ائتمهسیین چوخ راحات یوللاری وار، آما باشدا یازیلان بئش قونونو رعایت ائتمک بو ایشین زامانینی اوچ گوندن نئچه میلیون ایللره قدر (دئشیفره اولماز حدده) اوزادا بیلر، بو اوزدن پسوورد قونوسوندا حتی ۵ یوخ ۱۵ ثانیه یازماسینا واخت آییرماق، دئشیفره اولماغین قارشیسینی آلار دیه یئرلی اؤنری حساب اولور.
سیزی تانییان بیری بو پسووردو باشقالاریندان تئز دئشیفره ائده بیلر، بو اوزدن سئودییینیز معلم آدی-سوی آدی، سئودییینیز حئیوان، سئودییینیز گول آدی و بونلارا تای آدلاری پسوورد دا ایشلدمنیز سهو بیر سئچیم حساب اولور. چالیشین سئچدییینیز پسووردلار سیز اوچون بیر آنلام داشیسین، او آنلامی کیمسه بیلمسین و پسووردو هئچ بیر یئرده یازیب ساخلامایین. اؤرنک پسووردلار (بو پسووردلارین هر بیرینین من اوچون بیر آنلامی وار):
۱: “(^F8V}2+x” ۲: “P|w1tL)” ۳: “<}QzGH57”
وحید نریمان | یای ۱۳۹۴ موغان
یازینین PDF-ینین ائندیرمه لینکی: https://goo.gl/gvIRrI http://1drv.ms/1Ct7xZi
با سلام خدمت شما دوست عزیز
شهر رمضان الذی انزل فیه القرآن
(ماه مبارک رمضان، ماه دوری از گناهان، ماه بندگی مبارکتان باد.)
آیا میدانید شما میتوانید با وبلاگ خود کسب درآمد کنید؟
ما میتوانیم برای شما وبلاگی درست کنیم که بتوانید با آن کسب درآمد کنید البته میزان درآمد شما به میزان زمانی که شما برای این کار میگذارید بستگی دارد و ما به شما راهنمایی هایی میکنیم که بتوانید درآمد بیشتری داشته باشید.
برای درست کردن این وبلاگ همین حالا اقدام کنید به آدرس http://borikod.mihanblog.com/ بیایید و بر روی کسب درآمدearn money کلیک کنید.
شما میتوانید با عضویت در خبرنامه و باشگاه مشتریان از مزایای سایت ما بهره مند شوید.
اگر با تبادل لینک و یا تبادل لوگو موافق بودید ما را در جریان بگذارید.