ویندوز ۱۰ و اینترنت'ینیزین باند گئنیشلییینین قورونماسی اوچون بیر اؤنری.
ویندوز ۱۰ آپدیتلری باشقالارینا گؤندرمک اوچون، سیزین باند گئنیشلیینیزدن (Bandwidth)(ترافیک یا دانلود حجمی آدلانیلان ایصصلاح) ایشلهدیر، ایسترسَنیز اونون قارشیسینی آلین.
ویندوز ۱۰، Home و Pro ورژن لرینده، ایلکین تنظیملر آپدئیتلری باشقالارینا گؤندرمک سئچَنَیینی، سیزین خبرینیز اولمادان، آچیق قویوب. یئنیلدمه قورولوشوندان بونون قارشیسینی آلا بیلرسیز. نظره گلیر ماکروسافت، اؤز سرورلری اوزرینده اولان استرسی آزالدسین دیه بو ایشی گؤروب.
بو متودلا، سیزین ویندوز آپدیت اولدوقدان سونرا، بو آپدیت لری باشقا ویندوزلارا دا گؤندره بیلیر بونونلا دا اونلار، ماکروسافت'ین آپدیت سرورلری یئرینه، peer-to-peer) P2P) پروتوکولو ایله سیزین بیلگیسایاردان آپدیت آلا بیلرلر.
ویندوز ۱۰-ین Enterprise و Education ورژن لرینده بیر تک سیزین بیلگیسایارینیزا کلاینت ساییلان بیلگیسایارلار بو آپدیتلری آلا بیلسین دیه قورولوب.
ماکروسافت بو متودلا بیر تک آپدیتلرین پایلاشیلماسی و باشقا هئچ بیر اؤزل معلوماتین یاییلماماسینا اَمینلیک وئریب.
آشاغیدا گؤستردیییمیز یوللا، بو قورولوشلاری اؤزونوز ایستهدیینیز کیمی قورا بیلرسینیز:
ایلک اؤنجه آختاریش یئرینده “Windows update settings” یازیب ویندوزون یئنیلدمه قورولوشونو آچیریق:
سونرا “Windows Update" یازیلمیش تگدن، “Advanced options”-آ گئدیریک:
سونرا “Choose how updates are installed”-دان:
ایستدییینیز قورولوشو سئچین:
بونو دا نظرده آلمالییق:
ویندوز ۱۰ انترپرایس و ائیتیم ورژنلرینده، سیزین بیلگیسایارینیزین کلاینتلرینه آپدیت سرور رولو اویناماق اوچون اعلا بیر متود اولا بیلر، آما ویندوز ۱۰، ائو و پرو ورژنلری اوچون اینترنت باند گئنیشلیگی ایتیرن بیر متود حئساب اولور. او دا سیزین خبرینیز اولمادان.
قایناق: http://fossbytes.com