کانونون، یئنی تانیتدیغی ۵۲ مئقاپیکسئللی کامئرالار 5Ds-5DsR؛
۲۰۱۵-جی ایلده نیکونD800 و D800E کامئرالارینین تانیدارکن، بیر چوخلاری اونلارین ۳۶مئقاپیکسللی اولماسینا ایراد توتوب نیکونو حدسیز درجهده مئقاپیکسل آرتیرماسیندا متهم ائدیردیلر. نیکونون بؤیوک ایده و فیکیرلری وارایدی، اوچ ایل سونرا کانون همن ایدهلری آنیب اونلاری حقیقته چئویردی. کانونون ۵۰ مئقاپیکسللی ۵Ds و ۵DsR کامئرالاری، نیکونون D800 و D800E-ی اوچون نظرده توتولموش ایشلرده اورتاق دیرلار. بو کامئرالار ۵D سئریسیندن اولارکن و بیرینجی باخیشدا گؤرونوشوندن ۵D Mark III-یه اوخشار اولسالاردا چئشیدلی ایمکانلار و ایشلدنلر باخیمیندان اونلارا تای اولماییب و بیر آز داها اوزمانلیق طلب ائدن اؤزل مقاملار اوچون اورتا فورمت (Medium Format)کامئرالار سیرا سیندا دورورلار. بئله دئمک داها یاخشی اولار: اورتا فرمت سیراسیندا اولان کامئرالاردان بیرینی آلماق اوچون یئترینجه پولونوز یوخدورسا ۵Ds یا دا ۵DsR آلین.
۵Ds و ۵DsR آراسیندا اولان فرقلر عیننD800 وD800E آراسیندا اولان ایلگی ایله برابر دیر. کانون۵DsR کامئراسیندا Low Pass فیلترینی گؤتورمکله چکیلن شکیللرین ایتیلیگی (sharpness) آرتیریلیب. بو فیلترین اولماماسی مویره (Moire) اثرینی ده آرتیریر. بو کامئرالارین گؤرونتوسو ۵D سئریسینه اوخشار اولسا دا اونلارین آردیندا دوزلمیش بیر کامئرا حساب اولمور، اصلینده بو کامئرالارین ایچ معمارلیغی، کؤکدن باشقا بیر یئنی لیکلرله یارادیلمیش دیر.
بو کامئرالار عمومی فیلیم چکمک، اسپورت، گئجه شرایطی، حیوانلار پارکی شرایطینده شکیل چکمک و عمومیلیکله،بوتون شرایطلرده شکیل چکمک اوچون اویغون دئییرلر. بوتون بونلارلا بیرلیک ده،اورتا فورمت بیر کامئرا باجارقلاری اولان، ایدهآل بیر شرایطده، استودیولاردا و گوندوز چاغی گؤرونتو چکمک اوچونیارادیلمیش دیرلار. اَن اویغون ایشیق و اپتیکلردن قوللانسانیر، بو کامئرالارین ۵۰ مئقاپیکسللیک آیریشماسی، داها آرتیق دیتئیللی شکیللری چکیب اونلاری بؤیوک سایزلاردا چاپ ائتمهیینیزه یاردیم ائدَرلر. سونوجلاردان بیری، بو کامئرالارین رئکلام و صنایع اوچون ایغون سئچیم اولدوقلاری اولا بیلهرلر.
فول فریم بیر سنسورون اوستونده ۵۰ میلیون پیکسئلی یئرلشدیمیین سونوجو هر بیر پیکسئلین ۴.۱۴ میکرون اؤلچوسونه قدر کیچیلدمهسی اولور، بو اؤلچو ۷D Mark III-ی نین ۲۰ مئقاپیکسئللیک APS-C سنسورونون اوستونده یئرلشدیریلمیش پیکسئل لرین اؤلچوسونه یاخیندیر. بو اوزدن ده همن کامئرالارین آز ایشیقلی شرایطده چکدیکلری شکیللر ۷D Mark II چکدیگی شکیللره اوخشار اولاجاغینی سونوج آلماق اولار، داها دوغروسو بوندان آرتیق بیر ایستک یئر سیز اولا بیلهر. کامئرانی دوزلدنلر ده ائله بو اوزدن اونون آیزو سونو ۱۲۸۰۰ ده ساخلاییبلار. ۵D Mark III-نین اَن چوخ آیزو سو ۱۰۲،۴۰۰ دور. ماراقلی بوراسی دیر ۷D Mark II-نون آیزو سونو ۲۵،۶۰۰-ه قدر سئچمک اولور.
۵۰ مئقاپیکسئللی بیر کامئرا ایله شکیل چکمک چتین بیر ایش دیر. هر بیر شرایطین ایدهآل اولماسی گرکرکن کامئرانین تیررهمهسینین قارشیسی دا آلینمالی دیر. آیریشمانین (Resolution) چوخ اولدوغونا گؤره، هر بیر خیردا تیترهییش، کامئرانین بوتون پتانسیللریندن فایدالانماغا اَنگل اولا بیلهر، شکیلچکهرکن تیترهییشلرین قارشیسینی آلماق اوچون کانون بیر سیرا پلانلار قوروب:
۱: کانون کامئرانین دایاق اوستونده اوتوراجاق یئرینده اولان سوکئت و اونون دؤورهسینده اولان یئرلری داها دایانیملی ائدیب.
۲: بوندان اؤنجه ۷D Mark III-ده گؤردویومز تک، کانون بو کامئرالاردا دا آینانی قالدیرماق اوچون یئنی بیر مکانیزم یارادیب، بو مکانیزم فنر یئرینه موتورا باغلی دیر، آینانین یوخاری قالخما سرعتینی کنترل ائدیر و ایچ تیترهییشین قارشیسینی آلیر.
۳: آینانین قفللانما ایمکانی، آینانین قالخماسی و شاتر پردهسینین ایشیق آلماق اوچون آچیلماسی آراسیندا اولان لنگلییی آرادان گؤتورور، چکیلهن شکیللر ایتیلشیر و بونونلا بیر شاترین لنگلییینی ده آرتیریر.
۵D Mark III ایله فرق لر:
۱: ۲۲ مئقا پیکسئل دن ۵۰ مئقا پیکسئله ایرهلیلهییش بیرینجی گؤزه چارپان فرق دیر.
۲: بو کامئرالار بیر جوت Digic5+ ایشلمجی دن آما ۵D Mark III بیر ایشلمجی دن فایدالانیر.
۳: آیزو سقفی بو کامئرالاردا ۱۲۸۰۰ آما ۵D Mark III-نین آیزو سونون سقفی ۱۰۲۴۰۰ دور.
۴: بو کامئرالارلا آردیجیل ۵ فریم، ۵D Mark III آلتی فریم سرعتی ایله شکیل چکه بیلیر.
۵: بو کامئرالارین فوتومتری (نورسنج) ۵D Mark III-دن قاباقجیل دیر و ۶۳ منطقهلیک (RG/GB) سیستمینی ۱۵۰۰۰۰ پیکسئللیک (RGB-IR) لا دئییشیلیب.
۶: فیلیم ییغماق اوچون ایمکانلاری ۵D Mark III ایله قیاس ائدیلدیکته یاخشی دئییل، سیخیشدیریلمامیش HDMI و هدفونو یوخدور. آنجاق USB3 واریدیر.
۷: ۵D Mark III ده اولمایان ایچ تایم لپس باجاریغی و ۱۰۸۰/۲۴p فیلیملری دوزلتمک اوچون شکیللری جالاشدیرما ایمکانی بو کامئرالاردا وار دیرلار.