قورد آغزی باغلاما
دوقتور یاشار کالافات
کؤچورن: وحید نریمان
ب. اؤگئل طرفیندن کاو-چی'لارین تورهییش داستانی موناسیبتی ایله وئریلهن معلوماتلاردان یئنی اهمیتلی نتیجهلر ده آلیریق. بو تورک جمعیتی گؤیه و مقدس روحلارا داها چوخ آتدان قوربان وئریرلر، مراسیملرینده قورد اولوماسینی خاطیرلادان ماهنیلار سؤیلییردیلر. ب. اؤگئل قورد اولوماسینا بنزتدیی بو ماهنیلارین اوزون هاوا، مایا ایله علاقهلندیرمکدهدیر. بیزه گؤره ایلاهی خصوصیتیندهکی سمایا شامانلارجا یؤنهلدیلن اوزون-اوزون چیخاریلان بو سسلر، اوخونان بو پارچالار رسماً قورد اولوماسی تقلیدلریایدی. بیز اینجهلمهلریمیزله گؤردوک کی، اولاما قوردلارا مخصوص بیر سس چیخارما شکیلیدیر.
اولویان قورد طرفیندن وئریلدیینه اینانیلان بیر مئساژ وار. قورد هر زامان اولامیر. خالق اینانجلاریندا قوردون اولاماسی آنلاملاندیریر. ایتین و یا چاققال اولومالارینا دا خالق اینانجلاریندا یئر آیریلمیش. قوردا عایید اولمایان اولوما سسینین فلاکت گتیره بیلهجهیینی اینانیلار. قوردون اولاماسی هاوا قوشوللاری، اونلارا گؤیدن 'ماننا' ائندیی اینانجی وار. آغزی باغلانمیش قوردون آغزینین آچیلماسیندان سونرا اولوماسی سانکی شوکور ایفادهسیدیر. جَم اسناسیندا جَم ائوینین دامیندا اولاما قوردون مراسیمه ایشتیراک ائتدیینه اینانیلار (کالافات ۲۰۰۷ا: ۵۶۳-۵۶۸).
قورد آغزی چوخ دفعه اوزمانلار، بعضی یئرلرده ده ایلگیلی دوعاسینی بیلهنلر طرفیندن ائدیلیر، ریزه داغ کندلرینده ده هوریانا آدیلا تانینان بیر قادین طرفیندن ده ائدیله بیلر. سانکی شامانین گونوموزه گلیب چیخمیش نمونهسی اولان قادین، هوریانا، بو ایشی کیشیلرده اولدوغو کیمی ائتمکده، جوتلویونه دؤنمهیهن حیوانلاری قورد پارچالاماق دئیه علاقهدار دوعانی اوخویوب بیچاغینی باغلاماقدا و جوت حیوانلاری گئری دؤنونجه ده همچینین دعاسینی اوخویوب بیچاغین آغزینی چیخارماقدادیر. بو مدت عرضینده داغدا قالمیش حیوانلارا بیر شئی اولماز ایکهن، حیوانلار یئرلرینه قاییتدیقدان سونرا آغزی باغلانمیش اولان قوردون آغزینین آچیلماسی لازیم اولدوغونا اینانیلیر.
قایناق: دوقتور کاظیم میرشانین فیسبوک صیفهسی
http://www.facebook.com/106688482950/photos/np.1433082446121570.100001760132776/10152916842477951