اؤیرنجی اولدوغوم زامان، همشه موغاندان تهرانا چیخیب، بیر ایکی گون اورادا قالیب، سونرا ایصفهانا گئدردیم؛ همن گونلرین بیرینده تهراندایدیم، قارداشیم زنگ آچیب بیر شیرکتین آدرسینی وئردی کی گئدم آرادیغی قطعه‌نی آلیب اونا گؤندرم. یولا چیخیب بیر ایکی خیاوان تاکسی‌له گئتدیکدن سونرا شیرکته چاتدیم، همن قطعه اورادا دا اولمادی، قرار اولدو اونلارا گلن زامان بیرینی ده بیزه گؤندره‌لر، ساغوللاشدیق و گئری دؤندوم ائوه ساری. گئری دؤنرکن آرژانتین میدانینا بیراز قالمیش میندیگیم تاکسی‌ده اَلیمین آلتیندا بیر کیتابچا گؤردوم، کیتابچانین آدی "جهانگردان"ایدی، ایستر ایسته‌مز ورقله‌دیم گؤزوم ساتاشدی "مهاباد" شهرینین بؤلومونه، همشه اولدوغو کیمی بو کیتابچادا دا آختاریردیم گؤرم آذربایجان حاقدا نلر یازیلیب و تاسفلرده یئنه ده همن آش همن کاسا اولدو. سوروجودن خبر آلدیم نه یاخشی سیزین تاکسی‌ده کیتاب دا وار، اؤزونوزوندور یوخسا کیمسه‌نین یادیندان چیخیب قالیب؟، سوروجونون دئدیکلرینی ائشیده-ائشیده اونون کورد اولدوغونو دا آنلادیم. کیتابچانی منه وئردی و تاکسی‌دن ائنیب یولون قالانین آددیملایارکن دوشونوردوم گؤره‌سن باتی آذربایجانین گؤزللیک‌لرین گؤسترن بیر کیتابچا یا بوروشور حاضیرلاماق داها دیرلی ایش اولا بیلر یوخسا ...
(شکیللری سه شنبه، ۹ مهر ۱۳۹۲ده دراپباکسیما آپلود ائتمیشم)
